ستـــــــــــــــــــــــــــــة مقــــــــــــــــــــــــــــــــــــا طع

استعرض الموضوع السابق استعرض الموضوع التالي اذهب الى الأسفل

ستـــــــــــــــــــــــــــــة مقــــــــــــــــــــــــــــــــــــا طع

مُساهمة  معتز عبد الرحمن في الإثنين أبريل 25, 2011 9:55 pm

قاسم ابو زيد


ما بين عيونِك وإلتقيك
أفراح فريق ميلاد شعر
عشانك وشان ما تزعلى
شان يا حلوة انا زرت عيونِك ..
ود عينيك يوم كان فى غفله
عندى انا ليكِ ...
هديه بتحمل ستة مقاطع
طبعك ولونك
وطرفك وطييفك
وفرح الناس البانية حصونك
أحزان حلال
أفراح أطفال
أحلام تربال .... زرعِك فرخه تربل ونام
إرتاح فى عيونك
اصلك خلقك ربنا سمحه
وسواك سبحه ...
عبادة ناس بتعرف الحق ..
وبرضو كمان ناس زرادشت
غسق اليوم الجاى ضفاير
دقة شف الزينه
ونفس الحله معتق
بى خرزات روح الزمن الطالع
وفجرو عيونك
وفى رمشيك شايلاه حراير
إنتِ قصيدة ... مقسم نغمك ستة مقاطع
مابين شعرك .....
وشفة ضفة وادى النيل .....
مقطع
وما بين شفة ضفة وادى النيل
وصدر الجرف العالى طلوعو يهدد ...
مقطع
بطن الوادى
ونار أحزانى
وجمر المات فى جوفو الحادى
ولهب النوبة المولد .....
ونضم الطار فى جوف درويش.....
مقطع
عريسنا سار البحر يا عديلة
أقطع ....
يقطع جرايد النخل ....
وأنغام جون لينون.....
مقطع
ونغمك طمعك بلدك
مقطع
آخر مقطع .....
سايح شايل فوق الجبة ..... أخبار الحى
أحزان الحى الراقد حاضن النيل
لمة دقدق فوق الحدبة ... الجنة عيونك
بين الحاجب ..... وغابة رمشك
دهشة غزوة توشكى وكررى
إحساس أطفال بيوم العيد
ليلة الإسراء والمعراج
تحيا عيونة تموت مأساتى .....
ويبقى الكحل الما بالايد
بين الحاجب وبين الرشرش
شايلة اذاى فى الكحل الوقف
سير الهجرة على العتمور
عشانك
وشان ما تزعلى
شان يا حلوة انا زرته عيونك
ود عينيك يوم كان فى غفلة
صوت الطفلة
الداسة ضفايرة شان العين
الا الغفلة تحوم قدامه ...
وتنسى ضفايرة فوق الرملة الهين
ولامن توصل بيت ناس امها
امها تتلى دقر ياعين
عين الشافع والسكين
عين الراجل طينة جرفو
عرق السنبلة قمح الزمن البكى السوس
عين المره تراب البلد الراقد بملى العين !!!؟
ما بملى العين
عشانك
وشان ما تزعلى
وشان يا حلوه انا زرت عيونك
و عينيك يوم كان فى غفله
صوت افريقيا
الشامه النايمه عليك يا تلال الخد
يوم غازلتك ..
وغزل الديمه عيونه تعطش موية النيل
غزل اللامه عيونه العالم
غزل النيزك
نجم الغزل القمره التانيه
قمر الشعر الشامه الواقفه تهدد
كل الجاي بعيد من سفرو
صوت عينيك الجزب الشد
ولو شديته خيوط الإلفه
بقطع حبل الحن قبال الشد
ولو وزعتك بين أطفالنا
بتبقى غلاف لكتابى الأول
كل أطفالنا بصيرو قصيده
وتبنى الدهشه قصور الكلمه
وسفر أولاد الرف يا السمحه
بين عينيك وكسر الخاطر
عشانك وشان ما تزعلى
شان يا حلوه انا زرت عيونك
ود عينيك يوم كان فى غفله
فدعة حلوه بترقص فدعه
لامن راسها يكلم راحة رجلها
الشايله النغمه تتاتى
غنوة جدله..... أنغام الودعه
زول مليان إيقاع .......
من شعر الراس لى راحة قدمو
صدرو يهز دقة إيقاع
نظرتو تكسر بالإيقاع
زمن الشعراء الوقف حالن حور العين
وربنا راسم حور العين مليان ايقاع ........]


معتز عبد الرحمن
Admin

عدد المساهمات : 17
تاريخ التسجيل : 23/04/2011
الموقع : 1977

معاينة صفحة البيانات الشخصي للعضو http://firendfever13.alhamuntada.com

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى